Radio Hormuud Studio 2 Hargeysa/Somaliland

Hargeysa(RH):-Guddoomiyaha Komishanka Tamarta Somaliland Eng. Axmed Faarax Cadare ayaa sheegay inay diyaariyeen nidaam damaanad qaadaya tamar la awoodi karo, badbaado leh oo la isku  hallayn karo  Somaliland.

 

War-saxaafadeed ka soo baxay Xafiiska Komishanka Tamarta oo lagaga hadlay kaalinta ay ka qaateen shirweynihii  Dhaqaalaha oo ujeedadiisu ahayd Xalinta dhibaatooyinka dhaqaale ee dalka, ayaa lagu sheegay in daneeyeyaashu ka doodeen xal-u-helidda caqabadaha dhaqaale.

Hargeysa(RH):-Dedaal muddo soo socday oo ay Xukuumaddu wadday isla maraana ay ka shaqaynaysay Shirkada sahaminta shidaalka ee Genel Energy,ayaa hadda u dhaw midho dhal iyo in sannadka dambe ee soo socda laga so saaro Somaliland isla markaana laga qodo ceel shidaalkii ugu horreeyay.

Hargeysa(RH):-Guddoomiyaha Maxkamadda Sare ee Jamhuuriyadda Somaliland, Garyaqaan Aadan Xaaji Cali Axmed, ayaa maanta Madaxweynaha Qaranka hortiisa ku dhaariyey Saddexdii xubnood ee ka hadhsanaa Guddida Diwaangelinta Ururrada iyo Axsaabta Siyaasadda ee ay dhawaan ansixiyeen golaha wakiilladu. Guddoomiyaha Maxkamadda sare ayaa xubnaha mid mid gacanta ugu saaray kitaabka Qur'aanka kariimka ah, isaga oo mid mid ugu dhaariyey inay si caddaalad iyo dhexdhexaad ah howsha Qaran ee loo igmaday u gudan doonaan.

Hargeysa(RH):-Wasaaradda Arimaha Gudaha Somaliland ayaa diiday ogolaanshaha mudaharaado ay dalbadeen Xisbiyada Mucaaridka Somaliland ee Waddani iyo Ucid kaasi oo ay halku-dhig uga dhigeen Mudaharaadka Badbaadada Soomaaliland

Wasaaradda Arimaha Gudaha Somaliland ayaa War-saxaafadeed ay soo-saartey waxay Taliyaha Ciidanka Booliiska Somaliland iyo Gudoomiyayaasha Gobollada Somaliland ku Amartey  in Talaabo sharci ah ka qaadaan cid kasta oo isku dayda in ay samayso Mudaharaad.

Hargeysa(RH):-Wasiirka Wasaaradda Horumarinta Maaliyadda Dr. Sacad Cali Shire ayaa gudoomiyey shir balaadhan oo muhiimad sare leh oo ay qayb ka ahaayeen 14 masuul oo isugu jira Wasiiro, Wasiir-Xigeeno, iyo Agaasimayaal Guud, ee Wasaaraddaha; Maaliyadda, Ganacsiga, Caafmaadka, Xanaanaha Xoolaha, Deegaanka, Cadaaladda iyo Boosaha.

Hargeysa(RH):-Roobab  dad iyo duunyo-ba  lagu qabowsaday ayaa maanta galinkii dambe ka hoorey Caasimada Somaliland ee hargeysa iyo nawaaxigeeda .

Roobkani oo muddo kooban da’ayay ayaa bulshaweynta magaalada Hargeysi ay aad ugu diirsaddeen.

Maalmihii u danbeeyay waxaa jiray kuleyl, iyo biyo yaraan ka jiray qaar ka mida xaafaddaha magaalada Hargeysa.iyo deegaano kala duwan oo ka mid ah gobolada Somaliland.

Hargeysa(RH):– Madaxweynaha Taiwan Tsai Ing-wen, ayaa qaabishay waftigii uu hogaaminayay wasiirka arrimaha dibbada Somaliland Dr. Ciise Maxamuud Kayd, waxayna labada dhinac ka wada hadleen iskaashiga ganacsiga, iyo ka faa’iidaysiga khayraadka dabiiciga ah ee Somaliland.

Madaxweyne Tsai Ing-wen, ayaa sheegtay in Somaliland ay Taiwan u tahay albaab ay ka galayso Afrika, oo horseedi kara horumarka maalgashiga ay Taiwan rabto in ay ka fuliso qaarada Afrika, iyadoo sheegtay in Somaliland ay ku taalo bogcad istaraatiji ah.